♥ 生日週~ ♥ 係過去呢個星期都ok精彩架~ ok精彩﹖係呀，雖然唔算得上wonderful，不過...幾搞笑囉... 話說因為怕正日會忙，又話補祝是不吉利的，所以揀左10月1日出去玩...咁就惹來奇遇啦~ 果日既節目安排係：上午各自活動、下午去白沙灣"摩"硯、夜晚去成豐片場bbq...唔鬼知邊個話白沙灘有硯"摩"，我同小p仲有canna就興致勃勃出發去白沙灣...去到果陣...一直都搵唔到沙灘...咁就問附近d船家啦...竟然發現白沙灣係無沙灘架，點"摩"硯呀...原來"摩"硯要出去對面島d灘度"摩"架...呀...我地即刻呆晒...仲好戇居咁添呀... 之後周圍游盪下啦...又唔識路...又係雙黃線...截的士去第度又截唔到...之後...比我地搭上左個大約4、50歲...搾緊車既男人...佢知我地話"摩"硯...咁岩佢又要開船...咁我地就上左佢車...去附近既遊艇會...跟埋佢落船...開船出到去...就發現水漲無硯"摩"了...咁我地既節目就變左游船河...係度學搾帆船...原來都好有學問架...不過thomas(被搭上的男人)話我又學得唔錯喎...哈哈...都係果句啦...玩就叻...真係要學...我就唔掂架啦...係船上我地都唔怕醜咁吱吱喳喳...原來thomas佢係做教師架...仲要係教人教書既教師...厲害...我地識d咩師咩師...就係呢個行業未識到...終於識左啦...哈...最後我地交換左電話同e-mail...thomas話如果怇出海就叫埋我地喎...哈哈... 好...差唔多我地要入場bbq啦...咁就花少少時間去搵下個場係邊啦...佢話係片場入面...咿...我地見到亞洲電視片場喎...以為搵到啦...就出番去飲杯野先再入去...因為要等埋其他人...真係差唔多喇...我地入去啦...點知看更話唔係呢到呀...要行入d...咁我地咪行囉...個天又黑...條路又無人...我地行左唔少路又未見bbq場...死喇...唔通又比人老點?...好彩係呢個時候...我地見到的士...幾經辛苦...終於入到去啦... 果場真係幾靚架...係果好浪漫既bbq場...我果下都真係幾冧架...2個婆娘又幾有心思喎...哈...不過...呢度又貴...service又唔好...黎過一次夠啦...d staff真係好難頂... 之後果日我同小p去左學jess呀...大家都估唔到我竟然會去跳jess...其實都幾好玩架...雖然我咩都唔識...又跟唔到個bit...成日甩舞...不過我都諗住繼續跳...因為...學成左好型架...hehe 好喇...之後果幾日要番工...忙到抽筋...不過...係正日果日...我做做下野...仲要跟緊壇鑊野果陣...queenie無拿拿行過黎話...要慶祝生日啦...原來佢地買晒蛋糕呀、禮物咁為我同patrick慶祝生日...哈哈...真係估唔到...不過慶祝還慶祝...都要做野架...諗住快d搞掂快d走...出去玩...點知都搞到7點幾先走呀... 之後落左尖沙咀join suka同小p...吃完飯...過左山林道間bar...終於見到大少奶個daddy mummy啦...mummy真係好鬼似容祖兒架者...皮膚又靚...daddy matthew 又風趣幽默...好笑架果晚... 其實果晚最開心同最估唔到既係歡歡係美國打電話過黎...不過...好唔好彩...我同歡歡傾傾下...有個男人係我後面講電話...爆晒粗咁...我估一係比人追數、一係為女煩...係咁既鐘數...為女煩既機會大d...果然...bingo...搞到我同歡歡傾唔到...好鬼衰架佢... 真係好掛住阿歡...又咁岩遇上中秋節...唉... 大家只係係世界唔同既地方望住同一個月亮... 今年既月亮的確又特別圓又特別大既.... | 
呢個世界真係話細唔細，話大唔大呀...
